|
September 1, 2002
ببووره ... شتێك گۆڕدراوه. شتێك له نێوان من و تۆدا وه‌ك خۆی نه‌ماوه. ده‌ڵێی شتێك كه‌مه ، بۆشاییه‌ك كه به هیچ پڕ‌نابێته‌وه . كه ناتبینم بیرت ده‌كه‌م ، تاسه‌ی له لا بوونت سێبه‌ری ته‌مێك ده‌خاته دڵمه‌وه . كه له لاتم ترسێكی ناخۆش دامده‌گرێ . هه‌ست به نامۆیی ده‌كه‌م له‌گه‌ڵت . قسه‌م بۆ نایه . ده‌ترسم دیسان دڵم بشكێنی . ده‌ترسم دیسان هه‌ستم بریندار كه‌ی ، ده‌ترسم دیسان قه‌ڵای باوه‌رم بروخێت... یان بیڕوخێنی ... نازانم !! تاسه‌ی دیتنت و خه‌می دووریت خۆشتره له ترسی بریندار بوونه‌وه ... ببووره ، شتێك گۆڕدڕاوه . كه‌مترم خۆش ناوێی. له‌وه‌ی ناترسم كه كه‌مترم خۆش ده‌وێی ، به‌ڵام ... چی بكه‌م ، هه‌ر ئه‌وه به‌س نییه ...! خۆشه‌ویستی به ته‌نیا بۆ من به‌س نییه !! شتێك.... شتێكی زۆرترم ده‌وێ ! |
