|
December 31, 2002
ده‌مویست بڵێم ده‌ست له من هه‌ڵگره ، من زۆر ماندووتر له‌وه‌م تاقه‌تی هاورێیی هه‌نگاوه‌كانی تۆم بێت. ده‌مویست بڵێم ده‌ست له من هه‌ڵگره ، من زۆر دوورتر له‌وه‌م كه ده‌نگم پێت بگات ... ویستم بڵێم بڕۆ، هه‌ستم ئه‌وه‌نده برینداره ته‌نانه‌ت لاواندنه‌وه‌كانی سه‌ر په‌نجه‌ی مێهره‌بانت ، برینه‌کانم ده‌كولێنێته‌وه ... ویستم بڵێم برۆ ، ئاسمانه بێ ئه‌ستێره‌كه‌‌ی من شه‌وه‌زه‌نگه‌كانی تۆ ڕوون ناكاته‌وه . ویستم بڵێم بڕۆ ، ته‌نیاییه‌كانی من تۆش ده‌توێنێته‌وه . ویستم بڵێم من ده‌ڕۆم تا ده‌گه‌ڵ كۆتاییه‌كان، تا ده‌گه‌ڵ نه‌گه‌رانه‌وه‌كان تێكه‌ڵ بم ... ویستم .... به‌ڵام دڵــــــــــــم نه‌هات ....! كه‌مێكی تر چاوه‌ڕێم بمێنه‌وه ........... |
