|
December 28, 2007
هه‌ر خۆم ده‌زانم وه‌ک چی و چه‌نده ماندووم. ساعه‌ت سێ و نیوه‌ی ئێواره‌یه شار ده‌مێكه تاریک بووه. له مێترۆ كه دێمه ده‌ر بارانێكی نه‌رم ورد ورد ده‌بارێ. كڵاوه ناره‌نجییه‌كه‌م لاده‌به‌م و لێده‌گه‌ڕێم قژم ته‌ڕ‌بێت. نوری ناره‌نجی چرای دارتێله‌كان شۆقێكی كاڵ ده‌خاته سه‌ر ته‌ڕایی شه‌قامه‌كه، من وه‌ک منداڵێكی لاسار به سه‌ر قوڵكه پڕ‌له ئاوه‌كاندا بازده‌ده‌م و په‌له‌مه بگه‌مێ نامه‌كه‌م وه‌رگرم... ناتوانم چاوه‌ڕێ بم بگه‌مه‌وه ماڵ و هه‌روا كه ده‌ڕۆم پاكه‌ته‌كه‌ی ده‌كه‌مه‌وه. باران و بزه‌ی سه‌ڕ ڕووخسارم تێكه‌ڵ ده‌بن و وشه شینه‌كانی نامه‌كه‌ی له پێش چاوم هه‌ڵبه‌ز هه‌ڵبه‌زیانه. له هه‌ندێ شوێن پێنووسه‌كه‌ی توندتر داگرتووه، له هه‌ندێ شوێن خه‌تی به‌رسه‌ر وشه‌كاندا كێشاوه و سه‌ر له نوێ نووسیوێته‌وه. نووسینه‌كه‌شی له بۆڵه‌كانی ده‌چن. نووسینه‌كه‌شی له گێرانه‌وه‌كانی ده‌چن. وه‌ک ئه‌وده‌مانه‌ی ده‌ڵێ "كچینه نه‌قڵێكی خۆش". هێشتا نه‌گه‌یشتوومه‌ته‌وه به‌رده‌رگا نامه‌كه‌م دووجار خوێندۆته‌وه. ده‌مووچاوم ته‌ڕه. قژم ته‌ڕه، نامه‌كه‌م ته‌ڕه. هێی، خانم خاس، نامه‌كه‌ت ئێستا بۆنی بارانی لێ دێت!
Comments:
dezanî eger pûtî baranît le pê bêt, pêwist nakat leser pole awekanda baz bidey, ew katî detwani drust weku mindalêk be nawiyan da rabikeyit.
belênit pê nadem leshit, (laqit) ter nabêt bellam belênî ewet pê dedem: zor xoshe...
Supas, birrwa bike le terr buni laqim natirsim, birrwa bike dezanim be naw qullke pirr awekanda rakirdin chende o chon xoshe, em ewareye bellam pelem bu bigeme layi namekem :)
Post a Comment
shad bit/ Leyla |
