|
April 8, 2009
کاک ناسری سینا دەگەڵ کەژال ئیسماعیل وتوێژ دەکات. کاک ناسر داوا لە کەژال خان دەکات خۆی بناسێنێت. ئەویش بێ‌گومان دەڵێ ناوی چییه و لە کوێ لە دایک بووه و چی لە کوێ‌خوێندووه و لە کەیەوە نووسینی دەست پێ‌کردووە. کاک ناسر زۆر لە سەرە خۆ دەڵێ: "دیارە لە خانمەکانیش نابێ بپرسین تەمەنیان چەندە، وایە؟!" کەژاڵ خان دەست دەکات بە پێکەنین، قوڵ و بە دڵ! فارس گوتەنی نخودی! دوایش لە سەرەخۆ و بە دڵنیاییەوە دەڵێ "بەڵێ وایە!" ... باشە کاک ناسر بۆ وا "کلیشەیی" دەجووڵێیەوە. چی دەبێ ژن بە "کۆڕ و کۆمەڵ" چاو لێ نەکەیی و لە چوارخانەی "مەڕوماڵات" بینهێنییە دەر. چی دەبێ ئەگە لە کەژاڵ خان بپرسی "کەژاڵ خانم دەتوانم "لە تۆ" بپرسم تەمەنت چەندە؟" بێ‌ئەوەی هەموو خانم و خاتوونەکان بخەیە ڕیزێک و یەک ڕەنگیان بە سەردا بپڕژێنی. چی دەبێ ژن وەک تاک چاو لێ بکەیی و وەک تاک وتووێژیان دەگەڵ بکەیی! چی دەبێ کەژاڵ خان تەنیا نوێنەری خۆی بێت و بەس. حەزی کرد با بڵێت تەمەنی چەندە حەزی نەکرد با باسی نەکات. کاک ناسر هیچکام لەم پیاوانەی تۆ دەیانناسی گرفتیان دەگەڵ تەمەنیان نییە؟ بەڕاست؟ کاک ناسر!!!
Comments:
Post a Comment
|
