November 2, 2008
ئیتر حیسابی ڕۆژ و مانگ و ساڵەکان نین کە دێن و تێدەپەڕن و هیچ هیچ هیچ لە ژانی نەبوون و ئێشی نەدیتنەوەت کەمناکەنەوە. تێپەڕبوونی کات هیچ برینێک سارێژ ناکاتەوە. باوەڕبکە. ئەوەنێ هەزار ساڵ لە ئاخرجاری بوونت تێپەڕیوە و من هێشتا بە قەد ڕۆژی یەکەم بیرت دەکەم. هێشتاش دڵتەنگی ئەوەم بانگت بکەم دایە. هێشتاش دڵتەنگی ئەوەم پێم بڵێی "کچم".
تێپەڕبوونی کات هیچ هیچ هیچ برینێک سارێژ ناکاتەوە. من پێت دەڵێم، باوەڕبکە. تێپەڕبوونی کات، زۆر بێ ڕەحمانە دەنگتی لە بیربردوومەوە.
بیری دەنگت دەکەم.
